Dette er ei annotert liste over publikasjonane mine med nedlastbare pdf-filer. Dels er det den ferdige publikasjonen (kopi eller pdf frå forlaget/tidsskriftet), dels (pga. kopirettar) den siste versjonen eg sjølv sit på (postprint), før sats og sistekorrektur. Publikasjonane er delte i
| 2021 | Namn langs Orkla. Namnehistorie frå Orkelsjøen til Orkedalsøren. Stian Hårstad & Ivar Berg. Trondheim: Museumsforlaget. Lenke — Populærvitskapleg bok med stadnamn langs Orkla som utgangspunkt. Me nøstar opp i historia til ulike namn, greier ut om opphav og tyding og set namna i samband med språk, dialekt og (lokal)historie. |
| 2019 | Språket som vart norsk Oslo: Universitetsforlaget. Nettside Lenke — Ei innføring i den eldre norske språkhistoria med særleg vekt på gamalnorsk og viktige endringar til dei tradisjonelle dialektane. Boka er skriven for innføringsemne i språkhistorie på universitetet, men skal kunne lesast av andre interesserte. |
| 2013 | Runestudiar. Festskrift til Jan Ragnar Hagland Redigert av Ivar Berg, Arnold Dalen & Karin F. Seim. Trondheim: Akademika. — Festskrift utgjeve til 70-årsdagen hans Jan Ragnar Hagland i 2013. Boka inneheld ei samling artiklar av jubilanten om runer, med ei biografisk innleiing og bibliografi over produksjonen hans. |
| 2013 | Eit seinmellomalderleg skrivemiljø: Nidaros erkesete 1458–1537 Doktoravhandlinga mi går gjennom tekstane frå erkesetet i denne perioden og drøftar språkforma, skiftet frå norsk til dansk skriftspråk, tilhøvet mellom ulike språk og meir overordna spørsmål om kva rolle språk og skrift spela i samfunnet og i dette skrivemiljøet spesielt. PDF. |
| 2024 | Stadnamn og språkhistorie. I Evy Beate Stykket, Ingvil Brügger Budal, Bernt Ø. Thorvaldsen & Urd Vindenes (red.), Språkhistoriske muligheter i skole og utdanning, s. 79–98. Oslo: Cappelen damm akademisk. — Nokså tilgjengeleg artikkel om korleis stadnamn kan studerast språkhistorisk, og korleis namna kan vera ein inngang til språkhistoria. PDF Lenke |
| 2021 | Palatalisering av velarer: Historie, variasjon og normering. Ivar Berg & Leiv Inge Aa. I Kristin Hagen, Gjert Kristoffersen, Øystein A. Vangsnes & Tor A. Åfarli (red.), Språk i arkiva: Ny forsking om eldre talemål frå LIA-prosjektet, s. 19–40. Oslo: Novus. — Me studerer utbreiinga av palatalisering av norr. /ɡ, k/ i dialektane i dialektkorpus og diskuterer tilhøvet til j-skriving i nynorsk. PDF Lenke |
| 2019 | Gender and declension mismatches in West Nordic I Claudia Fabrizio & Michela Cennamo (red.), Historical Linguistics 2015, s. 97–114. Amsterdam: John Benjamins. — I vestnordisk språkhistorie har det vore ein tendens til å samordne genus og bøyingsklasse. Denne artikkelen diskuterer dette, og særleg tilfelle som bryt med hovudmønsteret. Postprint Lenke |
| 2018c | Reformasjonen og norsk språkhistorie Teologisk tidsskrift 7:3, s. 167–176. PDF Lenke — Eit tingingsverk i høve reformasjonsjubileet som avliver myten om at reformasjonen var avgjerande for innføringa av dansk som skriftspråk i Noreg. |
| 2018b | Skriftkulturen ved erkesetet i seinmellomalderen I Erik Opsahl & Øystein Ekroll (red.), Nidaros erkesete i seinmellomalderen, s. 79–103. Oslo: Novus. PDF Lenke — Byggjer på tidlegare arbeid, men legg stoffet til rette for eit ålmennhistorisk interessert publikum. |
| 2018a | Geografisk og sosial variasjon. Tida fram til 1600 I Brit Mæhlum (red.), Norsk språkhistorie II: Praksis, s. 165–190. Oslo: Novus. Postprint Lenke — Mest vekt på geografisk variasjon, dvs. framveksten av ulike målmerke som skil norske dialektar, og forsøk på datering av dei. |
| 2017b | Business writing in early sixteenth-century Norway. I Esther-Miriam Wagner, Bettina Beinhoff & Ben Outhwaite (red.), Merchants of Innovation. The Languages of Traders, s. 89–107. Boston/Berlin: de Gruyter Mouton. Postprint Lenke — Om ulike språk i bruk i handel og språkblanding i rekneskapar og liknande tekstar. |
| 2017a | Kor gamle er dei norske dialektane? I Jan-Ola Östman, Caroline Sandström, Pamela Gustavsson & Lisa Södergård (red.), Ideologi, identitet, intervention. Nordisk dialektologi 10, s. 123–132. Helsinki: Helsingfors universitet, Finska, finskugriska och nordiska institutionen. PDF Lenke — Avkok av bolken i Norsk språkhistorie II (2018a) med nokre prinsipielle refleksjonar og somt anna som ikkje fekk plass der. |
| 2016c | The making of the Scandinavian languages I Gijsbert Rutten & Kristine Horner (red.), Metalinguistic Perspectives on Germanic Languages. European Case Studies from Past to Present, s. 35–55. Oxford: Peter Lang. Postprint Lenke — Drøftar når folk byrja å oppfatte norsk, svensk og dansk som ulike språk, og korleis dette heng saman med den politiske historia. |
| 2016b | A note on the relationship between Scandinavian and Low German Journal of Historical Sociolinguistics 2:2, s. 189–210. Postprint Lenke — Argumenterer for at skandinavisk og lågtysk i seinmellomalderen var såpass ulike at dei ikkje var ymsesidig forståelege, slik det har vore hevda. |
| 2016a | Ei boksamling frå reformasjonstida og norsk litterær kultur i seinmellomalderen Maal og Minne 2016:1, s. 1–34. PDF Lenke — Presenterer ei liste over boksamlinga til domkapittelet i Nidaros frå 1550-åra. Ho inneheld moderne europeisk litteratur, men ingen norrøne tekstar. Artikkelen set samstundes dei norrøne og latinske tekstkulturane opp mot kvarandre. |
| 2015b | Stages in deflexion and the Norwegian dative I Dag T.T. Haug (red.), Historical Linguistics 2013, s. 179–194. Amsterdam: John Benjamins. Postprint Lenke — Om kasussamanfallet i norsk; jf. den utvida versjonen på norsk (2015a). |
| 2015a | Nokre sider ved det norske kasusbortfallet i seinmellomalderen Maal og Minne 2015:1, s. 1–35. PDF Lenke — Byggjer på same kjeldemateriale som 2015b, men er sterkt utvida, særleg med data frå norske dialektar. |
| 2014c | Mellomnorsk bibliografi I Tove Bull, Gulbrand Alhaug & Aud-Kirsti Pedersen (red.), Endre-boka. Postfestumskrift til Endre Mørck, s. 365–379. Oslo: Novus. Lenke — Oversyn over arbeid om mellomnorsk språk, tidfest til 1350–1525. Eg prøver å halde denne versjonen oppdatert og tek gjerne imot tilføyingar. |
| 2014b | Om normalisert norrønt Arkiv för nordisk filologi 129, s. 21–54. PDF — Skildrar utviklinga av den norrøne normalortografien i grammatikkar, ordbøker og tekstutgåver, og set dette i samband med dei vitskaplege paradigma som rådde på 1800-talet. |
| 2014a | Rural literacy in sixteenth century Norway I Ann-Catrine Edlund, Lars-Erik Edlund & Susanne Haugen (red.), Vernacular Literacies – Past, Present and Future, s. 125–135. Umeå: Umeå Universitet og Kungliga Skytteanska Samfundet. PDF Lenke — Tek opp kva forhold ålmugen i Noreg hadde til skriftspråk, og ser på den norske språkforma i dei såkalla bondebreva frå 1500-talet. |
| 2013 | Variation in a Norwegian sixteenth-century scribal community I Esther-Miriam Wagner, Ben Outhwaite & Bettina Beinhoff (red.), Scribes as Agents of Language Change, s. 277–290. Berlin: Mouton de Gruyter. PDF Lenke — Avkok av doktoravhandlinga. |
| 2011 | Mellom norsk og dansk. Skriftspråk og talemål ikring 1500 I Helge Sandøy & Ernst Håkon Jahr (red.), Norsk språkhistorie i eldre nynorsk tid (1525–1814). Minneskrift for Kjartan Ottosson, s. 17–31. Oslo: Novus. PDF Lenke — Viser nokre døme på kva tekstar, både på norsk og dansk, frå tida ikring 1500 fortel om norsk talemål, og kva ein elles kan bruke dei til. |
| Upub. | Norrøn filologi Kompendium skrive til NORD2200 ved NTNU hausten 2023, 32 sider. PDF — Litt faghistorie, litteraturhistorisk kontekst, om tekstutgåver og språkleg variasjon i norrønt. |
| Upub. | Norsk språkvitskap på 1800-talet Kompendium skrive til SPRÅK3002 ved NTNU hausten 2022 (rev. 2023), 41 sider. PDF — Ser utviklinga av språkvitskapen i Noreg i internasjonalt perspektiv, med vekt den filologiske bakgrunnen og institusjonaliseringa av språkforskinga. |
| 2019 | Morfologi I Heidi Brøseth, Kristin Melum Eide & Tor A. Åfarli (red.), Språket som system: norsk språkstruktur, s. 69–99. Bergen: Fagbokforlaget. Lenke — Ei innføring i sentrale delar av norsk morfologi med vekt på generelle prinsipp meir enn komplett oversyn. |
| 2017 | Språkhistorie I Mari-Ann Igland & Mari Nygård (red.), Norsk 5–10. Språkboka, s. 137–151. Oslo: Universitetsforlaget. 2. utg. 2021. Lenke — Eit lite kapittel som oppsummerer ein del lange liner i norsk språkhistorie, skriven til eit læreverk for grunnskulelærarutdanninga. |
| 2013 | Jan Ragnar Hagland – fagleg profil I Ivar Berg, Arnold Dalen & Karin F. Seim (red.), Runestudiar. Festskrift til Jan Ragnar Hagland, s. 5–13. Trondheim: Akademika. PDF — Omtale (samskriven av redaktørane) av det faglege arbeidet hans Jan Ragnar Hagland, trykt som føreord i festskriftet til 70-årsdagen hans i 2013. PDF-fila har med innhaldslista i festskriftet, som er ei samling artiklar av jubilanten om runer. |
| 2024 | Matteo Tarsi, Loanwords and Native Words in Old and Middle Icelandic. Turnhout: Brepols, 2022. 332 sider. Journal of Historical Sociolinguistics 10:2, s. 315–319. PDF Lenke |
| 2023 | Kåre Hoel, Bustadnavn i Østfold. 20. Rakkestad. Utgitt av Tom Schmidt. Oslo: Novus, 2021. 679 sider. Namn og nemne 40, s. 136–141. PDF Lenke |
| 2019 | Bente Lavold & John Ødemark (red.), Reformasjonstidens religiøse bokkultur cirka 1400–1700: tekst, visualitet og materialitet. Oslo: Nasjonalbiblioteket, 2017. 293 sider. Collegium Medievale 32:1, s. 96–101. PDF Lenke |
| 2016 | Ernst Håkon Jahr, Language planning as a sociolinguistic experiment. The case of modern Norwegian. Edinburgh: Edinburgh University Press, 2014. 218 sider, og Språkplanlegging og språkstrid. Utsyn over norsk språkhistorie etter 1814. Oslo: Novus, 2015. 157 sider. Norsk Lingvistisk Tidsskrift 34:1, s. 107–116. PDF Lenke |
| 2013 | Agnete Nesse, Innføring i norsk språkhistorie. Oslo: Cappelen Damm akademisk, 2013. 229 sider. Norsk Lingvistisk Tidsskrift 31:2, s. 290–297. PDF Lenke |
| 2023 | Middelalderen her og nå Erik Opsahl og Ivar Berg. Adresseavisen 28.2.2023, s. 32–33. Lenke — Kronikk om korleis mellomalderen er aktuell i dag, skriven i samband med lanseringa av ei mellomaldersatsing ved NTNU. |
| 2022 | Trondheims første norskprofessor: Ragnvald Iversen Universitetsavisa 3.10.2022. PDF Lenke — Kort omtale av R. Iversen og dei viktigaste faglege arbeida hans. |
| 2021/ 2020 |
Meldalsgrensene for 500 år sidan Årbok (Meldal historielag) 2021, s. 13–19. PDF — Gjennomgang av ei vitnehøyring om meldalsgrensene i 1529 med merknader om historiske forhold og stadnamna. Artikkelen vart trykt same stad i 2020 (s. 14–17), men ved ein inkurie kom berre første helvta av stykket med. |
| 2020 | Kjeldekritisk kongesoge Dag og Tid nr. 3, 17.–23. januar 2020, s. 27. Postprint — Omtale av Øystein Morten: Jakten på Olav Tryggvason. Vigmostad & Bjørke, 2019. Postprint-fila inneheld nokre arbeidsnotat i tillegg til avisstykket. |
| 2019 | 100 år med nygamle fylkesnamn Norsk Tidend 2019 nr. 5, s. 15–17. Postprint Lenke — Om prosessen fram til innføringa av fylkesnamna i 1919. |
| 2018 | Namn som kulturelle symbol Riss 2018 nr. 1, s. 72–80. Postprint — Viser korleis personnamn og særleg stadnamn var viktige i den norsk nasjonsbygginga. |
| 2017 | Kristendomen og språkhistoria Språknytt 2017 nr. 3, s. 24–27. PDF Lenke — Ein stubb om kva rolle kristendomen har spela for det skrivne og lesne ordet i Noreg, skriven i høve reformasjonsjubileet. |
| 2017 | Namnet Akrinn på Kalvskinnet Adresseavisen 5.4.2017, s. 40. PDF Lenke — Lesarinnlegg med kritikk av namnet Akrinn på Teknologibygget ved NTNU på Kalvskinnet. (Biletteksten var det desken som skreiv; det er ikkje mine trykkfeil.) |
| 2016 | Då norsk vart eit eige språk Språknytt 2016 nr. 1, s. 28–31. PDF Lenke — Ein populær versjon av artikkelen «The making of the Scandinavian languages» (2016c ovanfor). |
| 2015 | Nokre stadnamn, særleg gardsnamn – og litt om dialekt Årbok (Meldal historielag) 2015, s. 5–9. PDF — Om nokre stadnamn og uttalen av dei i Meldalen. |
| 2015 | Da erkebispen prøvde seg som sjørøvar Spor 2015 nr. 1, s. 32–34. PDF — Ekstremt tabloid framstilling av kva som skjedde da erkebispens menn kapra framande skip, og folk kom til Noreg for å søkje erstatning. |
| 2013 | Sexus, genus, namn og kjønn Riss 2013 nr. 2, s. 12–17. Postprint — Om sambandet mellom grammatisk og naturleg kjønn, tvikjønna personnamn o.l. |
| Upub. | Brannkrossetåtten Ikkje publisert. PDF. |
| 2014 | Soga om Torstein Side-Hallsson I Islendingesagaene, band II, s. 407—418. PDF. |
| 2014 | Tåtten om Torarin Ofse I Islendingesagaene, band II, s. 443—445. PDF. |
| 2014 | Soga om Torstein Kvite I Islendingesagaene, band IV, s. 301—308. PDF. |
| 2014 | Soga om Ølhette I Islendingesagaene, band V, s. 199—204. PDF. |